阿玲
中五同學剛走，中五級的中文功輔班自然人去樓空。科主任為免浪費教學助理這個資源，決定向中四級埋手，招兵買馬，向中四級老師索取學生名單，組成中四中文功輔班，繼續由本人任教。
我按名單上的名字，逐一去知會學生上堂的時間和守則。
「o下？放學後上中文功輔班？阿sir，我o黎唔到喎﹗」阿玲是其中一個要去功輔班的學生。
「做乜唔得呀？要去補習？」我問。
「唔係呀，我…要去拍拖。」
「哈，你都好意思講出口，上完功輔班先拍啦﹗都係遲少少o者﹗」
「唔好啦…阿sir，o衣……你放我走啦﹗」
唔去功輔班既藉口我聽得多：補習、學琴、老豆生日，但係名正言順咁同我講要去拍拖唔去功輔班，我就真係有o的難以接受。
「做咩呀，咁痴纏，o岩o岩開始呀？」我問道。
「係呀，唉，阿sir，講俾你聽o勒，但係你唔好同人講喎……」
原來我這個甜絲絲的女學生，剛與隔鄰的國際學校的男學生戀上，昨天開始拍拖，她還强調，她的男友是混血兒，英文「o勒o勒」聲，打籃球又點點點咁…
唉、小女孩就是小女孩，像如數家珍，說來忸怩、卻又滔滔不絕。
對不起，係阿sir有偏見。我向來對讀國際學校、中文講唔正但有錢又靚仔既男仔不存好感，唔好問我點解，你試o下問你身邊既男仔，有幾多個鍾意陳冠希。
但厚道既我(咳、咳)當然唔會潑佢冷水，只是擺個老師款，叫佢唔好沉迷，要分配好時間等等。
三天，就只過了三天，阿玲出現於我的功輔班上。我走近她，未待我開口，她已向我說：「阿sir，我同佢分左手喇。」
「佢叫我去佢屋企，我唔肯…」
阿女，做得好。 我輕輕拍了她的頭一下，對她說了句：「o力女﹗」
嗱……我都話o架啦…靚仔o丫嗱~
